هنا بكتب الأشياء اللي نفسي بجد اني اتعلمهـا ، بسردها كقائمة يعني
وبكتب فيها الأشياء اللي لو اتعلمتها راح تزيد من رصيد وتقربني لنفسي اكثر …
طبعا ابغى اتعلم الأشياء اللي تهمني كأنثى في البداية ، ولاني كل مااتعلم لو شي بسيط هذا يخليني ارتقي اكثر واطور اكثر …
والقائمة هنا لسة صغيرة قابلة للأضافات اكثر واكثر …:)
الأمور الشخصية :
الهدوء النفسي والذاتي وترك العصبية والسيطرة على النفس في المواقف المحرجة المحزنه وحتى ساعات المرعبة
اتخاذ قرارات مهمة ، بدون تردد او ندم ، او قلق وبالتوكيل على الله ، والأستخارة فقط
صناعة الفرح في حياتي ، واتعلم كيف ابسط نفسي باللي عندي ، بدون مااتكلف مال وغيره لانه بعض الاحيان مايكون موجود ..
( اقدر اتفاهم مع نفسي بهدوء ، لاتستغربون لان اخطر الكلام اللي ممكن نقوله لانفسنا عشان كذا حابة اتعلم ادفع نفسي للنجاح بالكلام الإيجابي …
علاقاتي مع اقارب واهلي كيف اديرها واتحكم فيهـا …
( لو اتعلمت هالاشياء ، راح تساعدني على اني اركز على الأهداف المهمة في حياتي بدون تشويش ، وتخليني منجزة ، اكثر )
الطبخ :
يكون لي نظام غذائي مفيد لصحتي ( للمستقبل طبعا ) …
لازانيا ، وخلطة البشميل بالذات لاني كم مرة اعملها وتفشل معاية وتطلع مو حلوة
الكوب كيك حابة اتعلمه وابا اجمع من النت كل الأشياء اللي تتكلم عن الطريقة وكذا والحركات واتعلمها بحول الله وقوته
رز الكابلي ، وعموما الأصناف الكبيرة
حلا الشمواه لذيذ خاطري اتعلمه كمان …
راح استفيد ( المتعة في البداية ، وحلو اني اتعلم طبخة جديدة ، واسمع عليها إطراء حلو )
الكمبيوتر ، والتقنية ،
اتعلم اساسيات في الفوتو تخليني اقدر اتحكم بالصور اللي عندي ، لاني مالي طموح بالتصميم لكن حابة اني اقدر اتعامل مع اضافة اسمي وتنسيق الصورة باطارات وكذا …
اتعلم ادارة مدونة مدفوعة بشكل كامل واتحكم فيها بنفسي بدال مااحتاج احد
في برنامج شرح ، مرة حلو حملته عندي وحابة اتعلم طريقته لاني اعرف لكثير من الاشياء في النت غير المذكورة فوق 
وحابة اشرحها للبنات في النت ..
( راح تخليني اعمل مدونتي الخاصة ، واحط فيها مواضيعي المهمة مدعمة بالتنسيق وبالصور وهذا اكيد راح يخلي مدونتي مهمة ومواضيعها بجودة عالية جدا ) بإذن الله تعالي
تسريحات :
كل الحركات والتسريحات في البيت
استشوار مزبوط ، اعرف طبعا بس يبغالي شغل اكثر
كيرلي ،
وتسريحات لو 2 تنقعني وقت الزنقة في المناسبات والأفراح …
( اجمل شي في الأنثى اهتمامها بنفسها وثقتها من شكلها واكيد لو اتعلمت اكثر راح يساعدني هالشي على الثقة بنفسي )
ميك اب :
اكثرشي رسم العين خصوصا عيني شوي صغيرة واحسها غايرة جوا مو كل الرسمات تنفع فيها
المكياج عموما … بكل انواعة خفيف ، هندي ، مناسبات …
اشياء عامة :
التطوير الفوتغرافي
الكوبلاج
السباحة
الرياضة وممارستها باستمرار ..
هنــآآ انتي تقريبــاً بدأتي بتحديد أهدآفُكِ . .
فــ بالتوفيق عزيزتي ..
do Ahead girl ^_^
برنامج حلو حتى انا ها الايام ماشية ع الاكل الصحي وبسجل في نادي لتعليم السباحه
good luck
أشياء حلوة بالنسبة لينآآ وضروورية كمآآن =)
الله يوفقك يآآرب =)